منتدي ستوديو بلاتوه
** اهلا بكم في منتديات .. ســوديو بـلاتــPlAt0ــوه ..**

بص يا برنـس انت كده مش هتعرف تــشوف ولا موضوع في الـمنـتدي الا لمــا تســجل معــانا ..

فيلا سجل وشارك ومستنيين رايك ..

التسـجـيل مش هياخد دقيقه واحده ..

منتدي ستوديو بلاتوه

صـور ♥♥ فـضايح ♥♥ اخــبــار ♥♥ اغــاني ♥♥ افلام ♥♥ برامــــج ♥♥ اللعاب
 
الرئيسيةبحـثدخولالتسجيلس .و .ج








شاطر | 
 

 يـومــــيـات صـــعـيـدى بـيـحـــب بـنـــت اســــــتـايـل الحلقه السابعه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ميدو
**عضو vip **
**عضو vip **


السرطان عدد المساهمات : 289
تبادل إعلاني تبادل إعلاني : تبادل إعلاني نقاط : 462
تاريخ التسجيل : 19/05/2009
العمر : 26
الموقع : دمياط_عزبه البرج

مُساهمةموضوع: يـومــــيـات صـــعـيـدى بـيـحـــب بـنـــت اســــــتـايـل الحلقه السابعه   الجمعة سبتمبر 04, 2009 8:14 pm


الحلقه السابعه

وجه تانى يوم الى هوه يوم رحله السفارى وركوب الجمال
تعالى نشوف حصل ايه
صحيوا الصبح ولبسوا ونزلوا يفطروا
ندى بصت لسعديه لقيتها لابسه لبسها المعتاد الى هوه جيب وجاكت استغربت اوى وراحت تكلمها
ندى : سعديه ايه الى انتى لابساه ده
سعديه : ماله الى انا لابساه ده وحش ولا ايه
ندى : لا مش وحش بس مينفعش تركبى بيه جمل اوى تطلعى سفارى خالص لازم تلبسى بنطلون
سعديه : يومك اسوه البس بنطلون ليه حصل ايه فى الدنيا
اتهببى واسكتى يا بت وانا اصلا مش هركب جمل ولا حتى السفارى دى كمان وغورى من وشى
ندى : مينفعش يعنى هنسيبك لوحدك فى الصحرى
سعديه : خلاص مش اروح خالص واجعد هنا
ندى : لا بصى انا هجيبلك بنطلون من عندى بس واسع والله ومش ضيق تعالى شوفيه ولو مش عاجبك مش تلبسيه
سعديه : تعالى اما اشوف انا عارفه انها رحله سوده من الاول ومحدش مصدجنى خالص
(سعديه اختارت طبعا اوسع بنطلون عند ندى وكمان لبست فوق منه فست طويل بس الحمد لله انها وافقت تلبس البنطلون بعد اقناع شديد)
وراحوا بقى وهناك ركبوا الجمال الا وحده بس الاستاذه جنى خايفه طبعا من الجمل
جنى : يا مامى انا اركب ده لالالالالالا مقدرش انا اخاف منه
سعديه بقى شافت الموقف واتنرفزت منها
سعديه : متركبى ياختى وتخلصينى خلينا نتحرك ونمشى
جنى : انتى مالك يا انتى انا مش اركب مقدرش اخاف انا
سعديه : طيب جيبولها طاسه الخضه المحروسه على شبابها فى اليوم لاسود ده يابت الناس اركبى ده اليف مش يعضك والله انا حاسه بالجمل هوه خايف منك احسن انتى تعضيه
جنى طبعا رافضه اقنعها احدى المشرفين انها تركب مع حد من زمايلها طبعا جنى اختارت ميدو
سعديه شافتها بتركب مع ميدو اتنرفزت هى كمان
سعديه : والله انا بجول ان البت دى دزمه هى مش خايفه اصلا انا عارفاها هى عايزه تتلزج فى الولا الى اسمه ميدو شوفى يا بت يا ندى عامله ايه البت ما صدجت تلزج فيه يادى النيله بنات اخر زمن
( سعديه شكلها متغاز علشان ميدو حاسه كده ان القلب بدأ يدق اما نشوف بقى )
خلص بقى موضوع الجمال وجه معاد رحله السفارى وكل اتنين يركبوا سوى وركبت ندى وسعديه وجنى طبعا مع ميدور وانطلقت الرحله سعديه كانت خايفه من موضوع السفارى ده لانها اول مره تطلع رحله سفارى وانطلقوا بقى
سعديه : بالراحه يا بت يا ندى بالراحه يا دزمه يومك اسود شكلك هتموتينا بدرى
ندى طبعا فرحانه اوى ومش شايفه قدامها وسعديه عماله تلطم بعدها بقى ندى مشيت بالراحه علشان سعديه لغايه اما صحابهم كلهم مشيوا وهمه لقيوا نفسهم لوحده وسط الصحرى ومش عارفين يرحوا فين وتاهوا
ندى : سعديه انا مش عارفه همه مشيوا منين
سعديه : يعنى ايه
ندى : شكلنا كده تهنا مش هنعرف نرجع
سعديه : انا عارفه هوه يوم اسود وجوطران انا كان مالى ومال السفارى والنيله المنيله بهباب دى ما انا كنت فى بيتنا مرتاحه مالى ومال مصر ومال الرحلات
ندى : ما كفايه خلينا نركز بقى نشوف هنعمل ايه
سعديه : تعملى ايه اتصلى بالموبيل الى معاكى ده باى حد قبل الليل ما يدخل
ندى : اتصلت بميدو الو ايوه يا يا ميدو بص احنا فى الصحرى ومش عارفين نروحلكوا او نرجع احنا تهنى
ميدو : طيب انتوا فين بالتحديد
ندى: مش عارفه
سعديه : هاتى اشوفه الدزمه ده انت يا بنى اتصرف اعمل اى حاجه
ميدو : طيب اوصفيلى المكان الى انتوا فيه
سعديه : اوصفلك ايه يا سوادى يعنى خير اللهم ما اجعله خير الجنه بس جالبه على صفار شويه انت اهبل يلا ماهى كله صفار فى صفار مفيش غير الرمل والصحرى انا اتلميت على شويه مخابيل فى ايامى السوده دى
ميدو : طيب اهدى يا سعديه وانا هرجع من نفس السكه الى جينا منها وان شاء الله هلاقيكوا
سعديه : طيب بسرعه يلا
ميدو رجع من نفس المكان والحمد لله لقى ندى وسعديه
وخدهم ورجعوا الفندق طبعا سعديه زاد اعجابها بميدو وبالحركه الجدعه الى عملها بعد اما وصلوا الفندق
سعديه : عارف يلا يا محمد مع انك ولا دزمه بس طلعت جدع شكرا يلا انك رجعتنا
ميدو : مفيش شكر ده واجب واحنا اصحاب ولازم اعمل كده
وخصوصا انك انتى كمان الى كنتى تايهه
سعديه : خلاص يا ولا انت ما صدجت ولا ايه هاتاخدها حلوانه فى سلوانه وتتساير يلا بجى شوف انت رايح فين
وخلص اليوم بالاعجاب الجميل بين سعديه وميدو
وانتظروا الحلقه القادمه

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://esmna.gid3an.com/
فله لك علي طول
** مــــديرة الـــمــنــتــدي **
** مــــديرة الـــمــنــتــدي **
avatar

العذراء عدد المساهمات : 2411
نقاط : 6445
تاريخ التسجيل : 04/04/2009
العمر : 31
الموقع : ELMANSOURA

مُساهمةموضوع: رد: يـومــــيـات صـــعـيـدى بـيـحـــب بـنـــت اســــــتـايـل الحلقه السابعه   السبت سبتمبر 05, 2009 7:55 pm


_________________

لاظهار الموضوع يجب الرد اولا


 



 


 


 

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يـومــــيـات صـــعـيـدى بـيـحـــب بـنـــت اســــــتـايـل الحلقه السابعه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي ستوديو بلاتوه :: ♥♥ ركــــــــن التــرفــيه والألـــعــاب من بـلاتــPlAt0ــوه ♥♥ :: ♥ المنتدي الــكومـدي والنكت و الـكـاريكاتـير من بـلاتــPlAt0ــوه♥-
انتقل الى: