فله لك علي طول
** مــــديرة الـــمــنــتــدي **
 عدد المساهمات : 2411
نقاط : 6445
تاريخ التسجيل : 04/04/2009
العمر : 37
الموقع : ELMANSOURA
 |  موضوع: مكرونه جديده وسهله تنفع للعشا السريع......بالصور  الجمعة أغسطس 07, 2009 11:52 pm | |
| السلام عليكم
جايبلكم النهارده طريقه عمل مكرونه سهله جدا وما بتاخد اي وقت وتنفع عشا سريع ولذيذ
هنبتدي علي طول
طبعا اول شئ نجيب المكرونه ونسلقها ونركنها علي جنب
 تاني حاجه نجهز باقي المكونات (1بصل مقطع -3فلفلات اخضر متقطع-3جزرات مبشوره-عصير 3طماطميات(طماطم مضروبه في الخلاط)    نضيف معلقتين زيت في الحله ونحمر فيهم البصله لحد ما تدبل وبعدين نضيف عليها الفلفل الاخضر والجزر ونشوحهم كلهم مع بعض لحد ما يدبلوا  وبعدين نضيف عليهم عصير الطماطم والملح والفلفل الاسود وشويه كمون صغيرين ونقلبهم مع بعض ونهدي عليهم النار ونسيبهم يتسبكوا (يبقي ليهم قوام غليظ)  وبعدين لما الطماطم تتسبك نضيف عليها المكرونه المسلوقه ونقلبهم مع بعض ونسيبهم من 10دقايق ل15 دقيقه علي نار هاديه وبعدين دلوقتي جاهزه للتقديم  ملحوظه :طبعا انا ما كتبتش مقدار الملح ولا الفلفل الاسود ولا الكمون لاني بحطهم وادوق طعم الحاجه واشوف هي كده مظبوطه ولا محتاجه تاني يعني مش بمقدار مظبوط وده بقي طبق للحلوين اللي هيردوا  وبالهنا والشفا | |
|
